December Shata Laman Mung Masha Marai 115 Asak Si Sum Ai Lam AAPP N Dau Ai Lam

Pajau Media

6th January 2026

2025 December shata laman Myen Mungdan ting hta Myen Hpyen Dap a majaw mung masa hta shang lawm nga ai mung masha marai 115 asak si sum ai lam AAPP kawn January 3 ya shani n dau da ai re.

Asak si sum ai ni gaw nbungli hte dingsa gasat ai majaw marai 98 , laknak kaba a majaw marai 13 ,gasat ai majaw marai 2 hte marai 2 gaw hpa majaw asak si sum ai ngu hpe matut sagawn nga dingyang re hpe chye lu ai.

Asak si sum ai jahpan hpe AAPP kawn dep hkap ai daram lu hta da ai rai nna mying hte hkrak shagrin la nna hta da ai re hpe chye lu ai.

Ta tut hta byin nga ai lam ni gaw n dai hta grau law wa mai ai re hte naw shagrin ra ai asak si sum ai masha marai 120 naw nga ai re hpe mung chye lu ai.

2025 November shata laman Myen Hpyen Dap kawn democrecy masa hta shamu shamawt nga ai mung masha marai 64 mung asak si sum lai wa sai re.

Dai sha n-ga naw shagrin la ra ai mung marai 108 grup yin nga ai re hte December shata hta gaw asak si sum ai masha grau law wa ai re hpe chye lu ai.

Shiga - Zau

Photo credit to Owner