Engine Oil Wan Nat Ai Majaw Seng Tawng Muklum Yawng Sama Mawng Ai Manghkang Byin Ai Lam

Pajau Media

February 6, 2026

Jinghpaw Mung Hpakant Seng Tawng ginra hta Engine Oil shadu ai kaw nna pru wa ai ntsin gaw Uru Hka de ru bang ai majaw mawng wa ai sama a majaw mung masha n kau baw sin madawn ai mamghkang byin hkrum wa sai re lam ginra masha ni kaw na chye lu ai.

February 5 ya shani Engine Oil shadu ai kaw na pru wa ai ntsin a majaw muklum ting sama mawng ai nna mung masha ni baw sin madawn ai manghkang ni byin sai re .

February 5 ya shani gaw KIO rawt malan n htoi rai nga ai sha n-ga Myen Hpyen Dap gaw KIA uphkang ginra kata nbungli bawm hkan jahkrat ai lam ni a majaw mung masha ni gaw myen hpyen dap kaw nna shamawng ai dat (chemical) sama ni shadu nna yawng grai hkrit tsang ai re lam tsun ai re.

Jahpawt du yang gaw Engine Oil shadu ai ntsin gaw Uru Hka hku lwin yawng nna ya na zawn mare ting sama chyam mat ai re hpe mung chye lu ai.

Shiga: Htu Seng