Gumhpraw Masu Sha Bungli (ကျားဖြန့်လုပ်ငန်း) Hpe N Hkap La Na Matu Rawt Malan Masat N Htoi Mungga Hta Tsun Ai Lam

Pajau Media

February 5, 2026

Dai ni Ang ai 65 lang na KIO rawt malan masat n htoi lamang hta gumhpraw masu sha ai bungli ကျားဖြန့်လုပ်ငန်း hpe n hkap la ai lam KIO / KIA ningbaw rawt malan mungga hta tsun ai re.

Dai ni na aten hta masu magaw magam bungli hpe grai sadi maja ra ai rai nna dai bungli ni hta shang lawm ai lam n galaw na matu hte tinang ginra kata gumhpraw masu sha bungli dabang hpaw ai lam ni n galaw hkra makawp maga ra ai lam tsun ai re.

Masu magaw magam bungli gaw ramma ni hpe rim nna gumhpraw masu shangun ai lam, n lu galaw ai rai yang adup gayet nna, mazut roi rip ai lam ni galaw ai rai nna dai gumhpraw masu hpung ni a majaw mung masha ni ja gumhpraw ni shani shagu sum machyi nga ai re.

Mungkan mungdan hku nna mung ja gumhpraw masu ai magam bungli ni hpe n-gun hpung tun kaba hte gasat shamyit ai lam ni galaw nga ai rai nna rim ahkyak la ai lam, ကျားဖြန့် hpung ni rim hkrum ai ni hpe hkye la ai lam ni hpe galaw nga ai re hpe mung chye lu ai.

Dai sha n-ga tinang ginra kaw nna maigan de pru hkawm shanu nga ai Jinghpaw Wunpawng Amyu Sha ni hku nna mung tinang a myu sha lam yan hpe shingdu tawn ai hku nre ai sha rawt malan ai magam bungli hpe n-gun dat shang lawm na matu tsun da ai re hpe mung chye lu ai.

Shiga – Zau