February Laman Amyu Shayi Marai 63 Asak Si Sum Nna Marai 66 Hkala Hkrum Ai Lam

Pajau Media

March 11, 2026

Myen Hpyen Dap ni a gasat gala ai majaw lai wa sai February shata mi laman Myen Mung hta asak 18 ning npu amyu shayi marai 18 hte ma hkum hte 1 ma lawm, yawng pawng yang marai 63 si sum nna marai 66 gaw hkala hkrum wa lam hpe Burmese Womens Union (BWU) ndau da ai.

Myen Hpyen Dap nbungli hte gasat ai majaw marai 46, lak nak kaba gap ai majaw marai 8 , nhkru nkaja lam hku sat hkrum ai majaw marai 7 hte pala hkra ai majaw marai 2 asak si sum wa ai lam madun da ai.

Dai rai nna Myen Hpyen Dap a nbungli hte gasat ai majaw marai 41, lak nak kaba gat ai majaw marai 13, bawm kabye hkrup ai majaw marai 10 hte roi rip hkrum ai marai 2 re hpe tang madun da ai re.

Lai wa sai 2025 ning laning mi laman hta mung hpyen dap a ntara ai a majaw Myen Mung hta asak 18 ming la wu amyu shayi marai 154 hte ma hkum amyu shayi 5 malawm yawng pawng yang marai 792 asak si sum wa nna marai 815 hkala ana lu wa ai hpe chye lu ai.

Shiga-Hpring

Photo - BWU