Namya Mare Makau Mung Masha Marai 2 Hkam Bawm Kabye Hkrup Nna Hkala Ai Lam

Pajau Media

11 March 2026

Hpyen yen ginra kaw na tinang nga ai mare de bai wa nga ai mung masha marai 2 Hpakant Namya mare makau hkam bawm kabye kapaw ai majaw hkala ai lam hpe chye lu ai.

Hkam bawm kabye hkrup ai wa gaw Namya mare lawk 3 kaw na asak 50 ram nga ai Mahkawn Lu hte asak 10 ning ramma la sha hkan nu hkawng re hpe chye lu ai.

Mabyin gaw lai wa sai March praw 8 ya shani ka-ang hkying 1 jan ram hta hkan nu hkawng hpyen yen nga ai hkauna kaw na mare nta de hkring gan wa ai shaloi myen hpyen dap ni hkam da ai hkam bawm kabye hkrup nna kapaw ai lam hpe chye lu ai.

Hkam bawm kabye hkrup ai majaw kanu gaw magyi kaw hkra nna kasha gaw labawp kaw hkra ai hte ya ten shim lum ai shara hta tsi tsi hkam la taw ngu tsun ai.

Hpakant sa lam hkan nga ai mung masha ni gaw majan a majaw ni nawn ai ginra hkan hpyen koi yen nga nna nkau ni gaw tinang byin mai ai daram nam maling, bum, hkauna hkan nga taw ai re hpe mung chye lu ai.

Shiga-Htu Seng