February Shata Laman Mung Masha Marai 4 Si Sum Nna Marai 23 Daram Hkala Hkrum Ai Lam

Pajau Media

March 3, 2026

KIA hte Myen Hpyen Dap a laja lana majan ni hte laknak kaba gap shadam majan ni gaw Hpakant, Waimaw hte Manje muklum hkan na mung masha nga ai shara hkan wa hkra nna February shata laman mara kata mung masha marai 4 si sum nna marai 23 ram hkala sawng ai lam nga ai re.

Masha nga ai lawk ni, hpyen yen mung masha ni nga ai hpyen yen camp hte Lahta Tsang hpaji jawng shara hkan mung laknak kaba hkrat nna si hkala hkrum ai lam nga ai re.

February praw 2 ya shani hta Hpakant muklum kaw daju ai Myen Hpeyn Dap a byuha kawng kaw na lak nak kaba ni hte Myo Ma lawk hte Nga Pyaw Taw makau kaw nga ai Lahta Tsang hpaji jawng wang kata bawm wa kapaw ai majaw KG jawng gawk hkra hten wa nna asak 10 ning ram jawng ma la sha langai hte jawng num langai hkala ai. Bai nna Hpakant Mashi Kahtawng lawk hta mung laknak kaba a majaw mung masha langai lagaw lahkawng maga hkra hkala ai lam nga ai re.

Praw 3 ya shani hta mung laknak kaba a majaw ma lahkwng si sum nna marai 14 ram hkra hkala nna February 16 ya shani hta Waimaw muklum lawk masum kaw nga ai Wuyan hpyen yen camp hta nga ai hkan wa ni marai 3 lak nak kaba pala hkra hkala wa ai hpe mung chye lu ai.

21 ya shani hta Manje muklum Nbapa mare kaw bawm jahkat wa ai majaw mung masha marai 3 hka wa nna 22 ya shani hta mung Hpakant muklum Yo Ma mare hta la lahkawng mying nchye ai lak nak lang hpung kawn gap ai majaw asak si sum wa ai lam chye lu ai.

Shiga-Htu Seng