Gan Pat Da Ai N Bungli Pa Bai Hpaw Sai

Pajau Media

18 February 2026

Gan pat tawn da ai Myitkyina nbungli lam hpe shawoi na zawn bai hpaw nna nbungli ni bai lai hkawm nga sai re lam chye lu ai.

Lai wa sai February 12 ya jahpawt daw Myitkyina nbungli pa kaw FPV hpan Drone langai wa hkrat ai hpang Myen hpyen dap kawn nbungli hkrun lam yawng hpe gan pat da ai re.

Myitkyina nbungli pa hpe lahkawng ya daram pat ai hpang February 14 ya kaw nna bai hpaw nga sai re lam Man Yadanar Pon nbungli hkrun lam masing kaw nna chye lu ai.

Myen hpyen dap gaw KIA hte PDF pawng hpawm dap ni kaw nna Myitkyina Pang Mati Lawk myitkyina nbungli pa makau de FPV drone wa gap gasat ai lam ndau da lai wa sai re.

Raitim KIA gaw hpyen hte n seng ai shara ni hkan masat shingte tawn dingsa gasat ai lam n galaw ai nga nna KIO shiga magam dap lithkam Dkb Naw Bu tsun da ai re hpe mung chye lu ai.

Shiga – Htu Seng