Myitkyina Shang Mawdaw Lam Ni Pat Da Hkrum Ai Majaw Myitkyina Muklum Kata Gun Rai Manu Ni Rawt Wa

Pajau Media

17 February, 2026

Jinghpaw mung Myitkyina muklum hta gun rai mawdaw ni shang ai lam nnga ai a majaw gun rai manu hte u-shan manu ni gau ngwi ngwi tsaw lung taw ai lam hpe ding hku kanu ni tsun ai.

Lai wa sai January hpang jahtum bat kaw na Mandalay-Myitkyina mawdaw lam hta myen hpyen dap ni hte rawt malam pawng hpawng hpung ni a lapran majan byin wa nna gun rai mawdaw hte hkrunlam hkawm mawdaw ni hpe Indaw hte Shwebo sa lam hta lai wa lai sa ahkang hpe pat tawn da ai re.

Dai mawdaw lam pat ai a majaw Myitkyina muklum ntsa gun rai shang ai lam nnga mat nna Ushan, Nga, Namlaw Namlap hte nta gap rung rai ni manu tsaw lung wa ai hpe chye lu ai.

Ya ten Myitkyina muklum ntsa Ushan joi mi hta (42,000)Ks, Nta U joi mi hta mun matsat ram, Nga joi mi hta (38,000)Ks, Ba Hkri Si joi mi hta (23,000)Ks hku nna gun rai manu ni mi na hta tsaw lung nga ai nga nna tsun ai.

Myitkyina-Mandalay lam hpe majan a majaw pat da ai rai nna lai wa lai sa ahkang pat tawn da ai sha n-ga Myitkyina-Kanpaiti sa lam mung myen hpyen dap, P.T.Ts pawng hpawng hpung hte KIA pawng hpawng hpung ni shani shagu byin taw ai majan a majaw lai wa lai sa ahkang hpe pat da ding yang re hpe chye lu ai.

Shiga-Htu Seng