Gumshem Myen Hpyen Ningbaw Min Aung Hlaing Ningtau Gumsan Magan Lit Hta Sindan Pa Dang Ai Lam

Pajau Media

March 31, 2026

Dai ni March 31 ya shani hta Ningtau Gumsan Magam hku shatsam hkrum ai mungshawa rapdaw na matu Gumshem Myen Hpyen Ningbaw Min Aung Hlaing sindan pa dang nna mungdan rapdaw na matu gaw USDP na Daw Nan NiNi Aye lu mat ai re.

Dai ni Naypyidaw kaw galaw ai Mungshawa Rapdaw na ningtau gumsan sindan pa jaw lata ai kaw hpyen du kaba Min Aung Hlaing gaw sindan pa (247) lu wa nna Dr. Kyaw Swe gaw sindan pa (10) lu ai hta hpyen du kaba Min Aung Hlaing dang wa ai re.

Mungdan rapdaw na ningtau gumsan magam hku shatsam hkrum ai Dr. Manam Tu Ja hte Daw Nan NiNi Aye hpe ningtau gumsan magam sindan pa jaw lata ai kaw USDP na Daw Nan NiNi Aye gaw sindan pa law htum lu wa ai majaw ningtau gumsan magam aya lu mat ai re.

Hpyen dap a myen hpyen dap a hkringmang U Nyo Saw hpe ningtau gumsan magam hku lata shatsam wa ai hpe chye lu ai.

Mungshawa rapdaw, mungdan rapdaw hte hpyen dap kasa ni kawn ningtau gumsan magam aya hku marai (3) hpe shatsam da nna dai kaw na gumsan magam, ningtau gumsan magam (1) hte gumsan magam (2) hpe lata mat na re ai.

Shiga - Zau