Gwi Hka In Daw Gyi Lam Mayan Bai Hpaw Ai Hta Gumhpraw Jaw Nna Lai Sa Ra Ai Lam

Pajau Media

October 6.2025

Jinghpaw Hpakant Ginra hkawm sa lam Gwi Hka Indaw Gyi hkrun lam hpe Myen hpyen dap bai hpaw ya sai raitim gumhpraw jaw nna she hkawm sa ra ai lam Mawdaw la ni tsun ai kaw na chye lu ai.

Indaw Daw Gyi hkrun lam hta Myen hpyen dap kawn Uphkang madu da ai rai nna Nam Mun Bum kaw nna Myen hpyen dap Gate, Nam Mun Muklum kaw na SNA gate ni langai hpang langai lai nna she Lung Tung gate kaw Myen hpyen dap hpe Gumhpraw jaw nna sha lai ra ai lam tsun ai re.

"Lung Tung myen hpyen dap Gate kaw Mawdaw langai kaw Sen 3 hpyi ai, Hpakant, Lawng Hkawng maga de sa na n ngu ai sha makau grup yin Nyawng Pin maga de sa na ngu yang gaw mai ai" nga nna Mawdaw La langai tsun ai.

Gwi Hka Indaw Gyi Lam mayan de Myen hpyen dap maga kawn July 18 ya kaw nna pat da ai rai nna, In daw Gyi Ginra Nam Mun, Mai Nawng, Lung Tung mawdaw makau hkan Bawm hkam da ai majaw sadi nna she hkawm sa ra ai lam Ginra masha ni tsun ai.

September 25 ya kaw nna Lung Tung Gate makau Myen hpyen dap kawn hkam da ai Hkam bawm kabye nna Kung Mana kaw na La langai Asak si sum mat ai lam chye lu ai.

Shiga - Kachin Pyi Tar