Hka Kaba Ai Majaw Lawa Hpyen Yen Mung Masha Ni Yak hkak nga ai lam

Pajau Media

July 18, 2025

Gasat gala majan a majaw hprawng yen nga ai Lawa mung masha ni koi yen ai hpyen yen dabang hta hka lim hkrum ai lam chye lu ai.

Marang ladu lai htu sawng ai majaw July 17 ya jahpawt daw kaw nna Lawa hpyen yen mung masha ni shanu nga ai dabang de hka lim shang wa nna shadu lu shadu sha shara, yup shara, hkawm sa hkawm wa lam hte ma ni jawng sa jawng wa lam ni du hkra yak hkak nga ai re lam chye lu ai.

Lawa hpyen yen mung masha ni hta ya aten malu masha, nga shara, tsi mawan ni, lu hka hte n ta lang arung arai ni grai yak hkak wa ai re lam chye lu ai.

Lawa hpyen yen dabang gaw lai wa sai March shata kaw nna Lawa mare de Myen hpyen dap pawng hpawm hpung ni htu shadut shang wa ai majaw gasat gala majan laja wa nna hpyen koi yen hkawm nga ai gaw ya aten du hkra re hpe mung chye lu ai.

Shiga- Htu Seng