Hkawng Lang Hpu ginra Dap shara 2 tat sum kau ai hpang hpyen n-gun laja lana Htu shadut ai lam

Pajau Media

October 30.2025

Jinghpaw Mung Putao Hkawng Lang Hpu Ginra de Myen Hpyen Dap P.T.Ts pawng hpawm hpung ni a Dap shara 2 tat sum kau ai hpang kaw nna hpyen n-gun laja lana htu shadut ai sha n-ga Byuha Mu dung na madang du hkra hkyen nga ai lam chye lu ai.

KIA pawng hpawm hpung ni gaw Hkawng Lang Hpu Ngwa Ja La Mare kaw na Myen hpyen pawng hpawm dap ni a Dap shara 2 hpe n dai laman sha zing madu lai wa sai re.

Dai majaw Myen hpyen dap gaw Myen mung Lawu daw kaw nna Putao Hk.L.Y 46 dap de Hpyen n-gun jat nna Laknak n-gun jahting nga ai lam chye lu ai.

KIA pawng hpawm dap ni gaw n dai October shata laman Hkawng Lang Hpu Ginra kata na Myen hpyen a Dap shara 4 daram hpe zing madu lu sai re hpe chye lu ai.

Dai sha n-ga Myen hpyen dap gaw Putao ginra sha n-ga Hpakant, Manmaw hte Jinghpaw Mung jarit Bamauk ginra ni hta Nbungli bawn htim gasat ai lam matut manoi galaw nga ai lam chye lu ai.

Shiga - Hpring