Hkawng Lang Hpu Maga De Myen Hpyen Dap Ni Hpyen Hpung Hku Hpyen Shamu Shamawt Nga Ai Lam

Pajau Media

November 3, 2025

KIA Dap ba (7)ginra Hkawng Lang Hpu ginra de Myen hpyen dap gaw Hpyen n-gun jat shamu shamawt nga ai lam ginra masha ni kaw na chye lu ai.

Hkawng Lang Hpu Ginra de Myen hpyen dap P.T.Ts pawng hpawm hpung a Dap shara 2 hpe KIA Pawng hpawm hpung ni zing madu ai October 28 ya hpang kaw nna n dai laman du hkra Myen hpyen dap n-gun kaba hte shamu shamawt nga ai lam shani shagu galaw nga ai re hpe chye lu ai.

Myen hpyen dap pawng hpawm hpung ni gaw Putao Hk.L.Y 46 maga de Hpyen n-gun laknak n-gun malu masha ni htaw shalai nga nna Hpyen hpung hku shamu shamawt nga ai lam chye lu ai.

October shata laman KIA pawng hpawm hpung ni Hkawng Lang Hpu maga de myen hpyen dap pawng hpawm hpung ni a Dap shara 4 hpe htim gasat zing madu kau ai sha n-ga Putao ginra de hpyen man yawng nna n-gun jat bang nga dingyang re lam mung chye lu ai.

Shiga - Htu seng