Hopin Ginra Hkawm Sa Hkrun Lam Ni Jahten Kau Ai Majaw Mung Masha Ni Hkawm Sa Hkrun Lam Yak Hkak Nga Ai Lam

Pajau Media

November 27, 2025

Jinghpaw Mung Hopin Ginra hkawm sa lam mahkrai ni hpe myen hpyen dap pawng hpawm hpung ni jahten kau ai majaw ginra masha ni hkawm sa hkawm wa yak hkak nga ai lam chye lu ai.

November 26 ya shani Hopin mare kaw na Ding Lung Pa mare hkawm sa hkrun lam mahkrai hpe Myen hpyen dap SNA pawng hpawm hpung ni Ga htu nna hkrun lam jahten kau ai majaw ginra masha ni hkawm sa yak nga ai re lam chye lu ai.

Dai ginra kaw na mung masha ni gaw ya jahten kau ai lam hpe sha madung hkawm sa nga ai re lam chye lu ai. Dai sha n-ga Nam Yang mare kaw mung myen hpyen dap pawng hpawm hpung ni gaw Mung masha ni a gat seng ni kaw na arung arai ni hpe mung mya la mat ai lam, Seng ni hpe mung wan nat jahten ai lam chye lu ai.

Hopin ginra hta Myen hpyen dap pawng hpawm hpung ni gaw hkrun lam hkawm sa hkawm wa Mung masha ni hpe hkap jahkring san jep nna dum nta kata na arung arai ni mung la kau ya ai sha n-ga Hpyen shamu shamawt lam ni mung grau galaw wa ai majaw gasat gala majan laja wa na hpe ginra masha ni myit tsang nga ma ai re.

 Shiga – Htu Seng