Hopin Ginra Kaw Dum N Ta (5) Matut Manoi Wan Hkru Mat Ai Lam

Pajau Media

October 2, 2025

Mohnyin ginra Hopin buga kaw October praw 1 ya shana daw Hkying 4 aten daram hta dum n ta wan hkru manghkang hta n ta 5 daram matut manoi hkru mat ai lam chye lu ai.

Hopin Myoma Tawng Lawk kaw na ဇမ္ဗူရာဇ်ကုန်မာ seng kaw na gunrai htun da ai gawk kata na Jak sau hkru hpang wa ai re lam, hkying hkum mi daram na ai hpang shana daw hkying 5 jan hkan she wan sat shazim kau lu ai lam chye lu ai.

Wan hkru manghkang shazim na matu mare masha ni gaw wan sat mawdaw(2) shaga nna sat ai raitim n dang ai majaw kaga ni nawn ai ginra na bai shaga la nna she wan sat shazim kau lu ai re lam chye lu ai.

Seng a gunrai tawn da shara hte Dum n ta 5 mung hkru lawm mat ai re hpe chye lu ai. Wan hkru ai hta manu dan ai arung arai ni mung hkru lawm mat ai raitim masha hkala ai lam gaw n nga ai re hpe chye lu ai.

Hopin ginra hta lai wa sai shaning hta mung Dum n ta 2 kalang ta wan hkru hten za ai lam nga lai wa sai re hpe mung chye lu ai.

Shiga - Htu Seng