Hopin Hte Mogawng Ginra Kaw Na KIA Dap Shara 2 Hpe Tat Kau Ra Ai Lam

Pajau Media

10 December 2025

Myen hpyen dap pawng hpawm hpung ni bai htu shadut htim gasat wa ai majaw Jinghpaw Mung Hopin hte Mogawng Ginra kaw na KIA Dap shara lahkawng hpe n dai laman tat sum kau ra ai lam chye lu ai.

KIA pawng hpawm hpung ni tat kau da ai Dap shara ni gaw Hopin Muklum sinpraw hkran kaw nga ai Dap shara hte Mogawng Muklum dingsa makau kaw na Pa Hkuk Kawng kaw na Dap re lam chye lu ai.

Myen hpyen dap hte SNA dap ni gaw KIA pawng hpawm hpung ni shara la da ai ginra de hpyen shamu hkawm ai majaw lahkawng maga gasat gala majan jahkring hkring byin ai re.

Myen hpyen dap pawng hpawm hpung ni gaw Mohnyin, Hopin, Mogawng Wan Leng Lam dingyang hkan madung shara la nna hpyen n- gun htu shadut ai lam galaw nga ai re hpe chye lu ai.

Dai sha n-ga myen hpyen dap pawng hpawm hpung ni gaw hkawm sa hkawm wa Mung masha ni hpe laja lana hpyen lahkawn nga ai re hpe mung chye lu ai.

Shiga - Hpring