Hpahkant Ginra Hta Sinat Ningma Hte Masha Mang Langai Mu Ai Lam

Pajau Media

5 December 2025

Hpakant, Yuma Mare, Shwe Kyaut Sawng seng makau hta dai ni jahpawt maga sinat ningma hte la langai si taw ai hpe mu ai lam Hpahkant ginra masha langai tsun ai kawn chye lu ai.

Si mat ai wa gaw Seik Mu mare kaw na la kasha langai rai nna lahkra maga du kaw sinat nma hte si taw ai rai nna, hkum kaw mung bawm hkyep hkra hkala ai lam ni nga ai hpe chye lu ai.

Yuma mare gaw Myen hpyen dap hte KIA pawng hpawm hpung ni lapran jahkring hkring gasat gala byin nga ai shara re. Dai sha n ga December 4 ya shana maga mung Myen hpyen ni hpyen masa shamu shamawt wa ai majaw KIA pawng hpawm hpung ni hte gasat gala byin ai lam chye lu ai.

Majan byin nga ai aten Hpakant Tatma Kone kawn gap dat ai laknak kaba gaw Maw Si Zar mare kaw hkrat kapaw ai majaw asak (12) ning re ai ma langai hkra hkala ai lam mung nga ai re.

Hpakant ginra gaw lai wa sai November praw ram kaw na Myen hpyen hpung, Sam Hkyeng ni hte Pyitusit dap ni hpyen n gun jat bang nna hpyen masa shamu shamawt wa ai majaw gasat gala majan jahkring hkring byin ai shara re.

Shiga – Zaw