Hpakant Chyauk Thwe Tawng Kaw Myen Hpyen Dap Kawn Drone Bawm Gap Ai Majaw Marai 2 Asak Si Sum

Pajau Media

September 23.2025

Hpakant Sikmu Chyauk Thwe Tawng mare Koi Tit de September 22 ya shana daw hkying 5 jan aten daram hta myen hpyen dap a drone bawm wa hkrat ai majaw kalang ta marai 2 asak si sum ai lam chye lu ai.

"Hpakant Tatma Kawng kaw nna shana tup gap shadam ai, shana tup gaduk kaw sha nga kau ra ai wa n loi ai, hpyen hprawng ai ni mung hprawng ma sai, Drone bawm kun, Laknak kaba gap shadam ai kun nchye ai" nga nna Seng Tawng ginra masha Slg langai tsun ai.

Asak si sum ai yen gaw shan wa rai nna Slg U kyaw Soe asak (45)ning, kasha Mg Htoo Htoo San ni re lam chye lu ai. Myen hpyen dap gaw shana tup matut manoi laknak kaba hte drone bawm gap ai majaw gaduk kaw sha nga ra ai lam ginra masha ni tsun ai re.

Hpakant ginra de laknak kaba hte drone bawm shani shagu wa jahkrat ai majaw masha si hkala hkrum ai lam law nga ai rai nna, myen hpyen dap gaw ra lata poi galaw na matu mahkyen nga ai majaw ya na zawn htu shadut htim gasat majan grau shaja wa ai re lam ginra masha ni tsun nga ma ai re.

Shiga - Kachin Pyi Tar