Hpakant Ginra De Hpyen N-gun Kaba De Shang Wa Ai Myen Hpyen Dap Hpung Ni Kawn Mung Masha Hpe Mara Kata Gap Sat Ai Lam

Pajau Media

August 25, 2025

Jinghpaw Mung Hpakant ginra de Hpyen n-gun (100) daram lawm ai myen hpyen dap hpung ni gaw August 25 ya jahpawt daw hkying (7:00) Am daram hta Hpakant de du shang wa nna ginra Mung masha ni hpe mara kata gap sat ai lam chye lu ai.

Dai myen hpyen dap hpung ni gaw Mawsi Zar Hpaya Kung kaw nna yu wa nna Hpakant Muklum de man yawng htu shadut shang wa ai aten Muklum Num Shang Pan Tin mahkrai kaw ginra masha marai (4) hpe sinat gap dat ai re lam chye lu ai.

Sinat gap dat ai hta ginra masha ni kaw na Amyu shayi langai gaw myi man kaw hkra nna dai shara kaw nan asak si sum mat ai rai nna ngam ai marai (3) gaw la ni rai nna hkala sawng ai lam chye lu ai.

Ginra masha ni tsun ai hta “ Shahte na shawng hku masha hkum tsun, gwi lai yang pyi n kam yu ai hku rai nga, shanhte hte hkrum yang koi u ga nga na dasang gap sat ai re kun gaw n chye, Pan Tin mahkrai Gate kaw na Balik ni hkan yu ai ni mung gap hkrum ai, si mat ai ni gaw si mat sai, mana de mung nta makau U Ru mahkrai kaw Drone bawm wa hkrat ai, kam kaja na kadai hpe n hkra ai” nga nna tsun ai.

N dai laman myen hpyen dap gaw lak nak kaji kaba gap shadam ai sha n-ga Drone bawm ni wa jahkrat kapaw ai majaw girna Mung masha ni a dum nta ni, Mung masha asak si sum ai lam shani shagu ngu na byin nga ai re hpe mung chye lu ai.

Shiga – ND