Hpakant Ginra Hta Damya Mya Gashun Gashe Manghkang Jahkring Hkring Byin Nga Ai Lam

Pajau Media

2 December 2025

Jinghpaw mung Hpakant ginra hta ndai laman damya mya gashun gashe ai lam jahkring hkring byin nga ai hpe ginra masha ni tsun ai kawn chye lu ai.

Ya ten Hpakant ginra hta myen hpyen dap ni htu shadut shamu shamawt nga nna lahkawng maga majan laja lana byin taw ai majaw ginra nsim sa ai hpe mahkrun la nna damya mya gashun gashe ai ni grau galaw nga ai hpe ginra masha langai mi tsun ai.

"Ndai laman damya mya ai lam ni shani shagu ngu na ram byin taw, majan mung matut byin taw re majaw dai hpe mahkrun la nna damya mya ai hpe grau galaw wa ai "nga nna ginra masha langai mi tsun ai.

Damya hpung ni gaw Mung masha ntsa sinat lang jahkrit shama nna mawdaw, cycle, grumhpraw hte ja rai ni damya mya gashun nga ai lam hpe chye lu ai.

Hpakant ginra hta lai wa sai November shata hta shata mi laman damya mya manghkang 20 lang hta nyawm ai mabyin ni nga wa sai hpe chye lu ai.

Shiga-Hpring