Hpakant Ginra Hta Gasat Poi Bai Byin Hpang Nga Ai Lam

Pajau Media

5th March,2026.

KIA Masat (9) Dap Ba, Hpakant ginra hta gasat gala majan bai byin hpang nga sai lam chye lu ai.

March shata praw 3 ya shani kaw nna, Mashi Kahtawng akyu hpyi bum makau grup yin hta KIA pawng hpawm hpyen hpung ni hte Myen Hpyen Dap gasat gala majan byin ai re hpe chye lu ai.

Myen Hpyen Dap gaw Mashi Kahtawng Rakhaine Kung hte Hpakant muklum maga de hpyen n gun htu shadut lung wa ai majaw KIA pawng hpawm hpyen hpung ni hte gasat poi byin ai re.

Dai ginra hta gaw Myen Hpyen Dap a hpyen hpung ni hte KIA pawng hpawm hpyen hpung ni shada laknak kaba gap shadam gasat hkat nga ai sha n ga, Myen Hpyen Dap kaw nna mung, majan byin ai lam nnga ai shara de du hkra shani shagu laknak kaba, Drone bawm ni hte hkap gap gasat ai re majaw, mungshawa hkra hkala ai lam, jahkring hkring byin nga ai re hpe chye lu ai.

Gasat poi nbyin ai shara de du hkra lak nak kaba hkrup mara gap shadam gasat ai majaw, March shata praw 4 ya shani mung, asak (70) grup yin amyu shayi kaba Jan Ja Hpa Lu hte amyu shayi langai ningma hkra hkala hkrum ai lam chye lu ai.

Shiga: Htu Seng