Myitkyina Nbungli Daru Hpe March Shata 9 Ya Kawn Hpaw Hpang Na Lam

Pajau Media

March 5, 2026

Drone hte gap hkra ai kawn pat da ai Myitkyina nbungli daru hpe du na March 9 ya kawn hpaw hpang na lam nbungli lekmat dut ai masha ni kawn chye lu ai.

Drone hte gap hkrum ai majaw February 21 ya kawn pat da ai Myitkyina nbungli daru hpe du na March 9 ya shani kawn MAI nbungli hpaw hpang na rai nna, MNA hpe gaw March 11 ya shani kawn she hpaw hpang na re lam chye lu ai.

Nbungli gap hkrum ai mang hkang byin ai shaloi gaw Myitkyina nbungli daru hpe shata masum ram pat da na re lam tsun nga ai rai tim, March 9 ya shani kawn bai hpaw hpang na lam nbungli lekmat dut ai ni tsun nga ma ai re.

Myitkyina nbungli daru pat da ai majaw hkrum lam nhkawm nmai hkawm ra ai ni Mawdaw lam hku sha hkawm ra ai majaw hpyen lahkawn hkrum ai ni mung grai law wa nna, mung shawa ni mung nbungli daru lawan hpaw sha ngun mayu ai lam tsun nga ai.

Shiga – Zau