Hpakant Ginra Hta Jak Sau Mawdaw N Shang Ai Majaw Sau Taw Nga Ai Lam

Pajau Media

August 11, 2025

Jinghpaw Hpakant ginra hta hpyen masa shaja hkat ai majaw ginra masha ni lam shagu hta grai yak hkak ai shata 3 daram rai wa sai hte myi hprap wan tsep kawp n lu mat ai shata lahkawng daram na wa sai re.

Dai sha n-ga ya aten jak sau ni raw wa sai rai nna shawng na bat hta jak sau seng n kau hpe mung aten masat nna she mari la ra ai raitim ya aten jak sau seng yawng ngu na daram pat taw sai re hpe chye lu ai.

"Moi gaw myi hprap wan lu dat n lu dat hte kalang lang gaw Wan sa ai, ya gaw tsep kawp nan nsa ai, lai wa sai shata mi ram kaw na rai sai, matut manoi gasat poi byin hpang ai kaw na rai sai, dai kaw na kadai mung kadai na wan jak hte re, ya gaw jak sau seng ni gaw sau mawdaw ni n shang mat sai majaw sau seng ni pat mat na sau n lu mari mat sai' nga nna ginra masha tsun ai.

Dai sha n ga ginra masha langai Matut tsun ai hta" Sau seng ni gaw sau n nga ai majaw pat da ai, seng shawng kaw palin hte dut ai, sau hpe pung hte she dut sha taw ai ni mung nga ai, N dai zawn re ai masa lam ni a majaw sau ni hpe n mai mari mat ai re" nga nna mung tsun ai.

Lai wa sai shani hkan mung Muklum kata sau seng n kau hkan mai mari ai taw raitim jau tau na law law mari mat ai masha n kau a majaw mung Hpakant Muklum hta ya aten sau taw nga ai re hpe chye lu ai.

Shiga -ND