Hpakant Ginra Hta Jet Fighter Nbungli Hte Bawm Gap Gasat Ai Lam

Pajau Media

April 9, 2026

Ndai laman majan laja nga ai Hpakant ginra shara nkau hkan dai ni shana daw hkring 2 ram hta hpyen dap kawn Jet Fighter (3) hte bawm gap gasat wa ai lam chye lu ai.

Dai ni April praw 9 shana daw aten hkring (2) kaw na hkring (2) minute (23) ram aten laman hta Hpakant ginra Amikepon mare makau shara hkan hta Jet Fighter hte bawm (3) lang hta n-yawm ai sha gap gasat wa ai hpe chye lu ai.

Hpyen dap kawn nbungli bawm gap gasat wa ai majaw, asak si sum, hkala ai hte hten za lam nga nnga hpe tup hkrak nchye lu shi ai re.

Lai wa sai Apeil praw (2) kaw na hpang wa ai Hpakant ginra hta yaten du hkra lahkawng maga majan masa laja nga nna, hpyen dap kawn hpyen n-gun matut manoi jat nga ai hpe chye lu ai.

Shiga-Hpring