Hpakant Ginra Hta Majan Bai Laja Nga Nna Hpyen Dap Ni Kawn Laknak Kaba Gap Karum Nga Ai Lam

Pajau Media

April 2, 2026

Jinghpaw mung Hpakant ginra hta dai hpawt kaw na lahkwang maga majan bai laja wa nna hpyen dap kawn laknak kaba ni hte gap karum nga ai hpe ginra masha ni tsun ai kawn chye lu ai.

“Dai hpawt kaw na sinat nsen ni laknak kaba nsen ni grai na lu ai lahkawng maga majan laja lana byin nga ai hpe ma na ai” nga ginra masha langai tsun ai.

Dai ni April praw 2 kaw na hpang Hpakant ginra na Mawwan Gyi, Mawwan Lay, Hpa Pyin, Yuma mare hte Mashi Kahtawng lawk ni hta majan byin nga nna majan byin taw ten hpyen dap kawn Hpakant byuha kawng hte laknak Kaba tawn ai shara hkan na majoi gap ayai karum nga ai hpe chye lu ai.

Hpyen dap kawn ya na zawn drone, laknak kaba ni gap ayai nga ai majaw masha nga nta ni hkra hten bya nga ai sha n-ga mung masha ni mung asak si hkala hkrum nga ai hpe chye lu ai.

Hpakant ginra hta ndai laman majan masa zim nga ai rai tim dai ni kaw na hpang nna majan bai byin wa ai majaw mung masha ni sadi hkawm sa nga na hpe KIA pawng hpawng hpung kawn sadi jaw da ai.

Shiga-Hpring