Hpakant Ginra Hta Myen Hpyen Dap Galaw Na Ra Lata Poi Hpe Ninghkap Ai Lamang Galaw Ai Lam

Pajau Media

November 20, 2025

Myen hpyen dap woi awn galaw na Mungdan ting ra lata poi gaw tara n shang ai, Mungkan a man galaw dan ai lamang langai sha re majaw Sindan Pa n bang ga nga nna ninghkap ai lamang hpe Hpakant ginra hta dai ni galaw ai re hpe chye lu ai.

Hpakant ginra ra lata poi ninghkap lamang hta “သင့်မဲဖြင့် တရားဝင် လူသတ်ခွင့်မပေးပါနဲ့၊ ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်”၊ “အာဏာရှင် လုပ်တဲ့ ဒီမိုကရေစီ အပြောင်းအလဲဆိုတာ ဖာခေါင်းကလုပ်တဲ့ ပြည်တန်ဆာ ပပျောက်ရေးလိုပဲ ဖြစ်လိမ့်မယ်” ngu ai laika ni sharawt nna ninghkap ai lam hpe Mung masha marai 50 jan daram shang lawm ai hte galaw ai re lam chye lu ai.

Myen mungdan ting madang Myen hpyen dap galaw na ra lata poi hpe Mung shawa yawng ninghkap sa wa ga, Mungkan mungdan kawn mung myen hpyen dap galaw na tara n shang ra lata poi hpe masat masa n galaw na matu hpyi shawn ai re lam chye lu ai.

Mungdan kata nga ai Mung masha ni hpe Hpyen hku masat nna Nbungli bawm gasat ai lam, Wan nat sat ai lam ni galaw nga ai Myen hpyen dap hpe madi shadaw masat masa galaw nga ai Miwa Asuya kawn mung garum madi shadaw ai lam ni hpe jahkring kau na matu hpyi shawn ai re hpe mung chye lu ai.

Shiga – Pyilan U