Hpakant Ginra Hta Myi Hprap Wan N Lu Ai Bat Mi Jan Rai Wa Sai Lam

Pajau Media

July 15.2025

Gasat gala majan laja nga ai Hpakant Ginra hta myi hprap wan n lu ai bat mi jan wa sai majaw Mung masha ni shani shagu na magam bungli, galaw lu galaw sha lam grai yak wa ai re hpe chye lu ai.

Myi hprap wan sumri n tsa kaw hpun kaba daw bun ai majaw wan n lu mat ai re. N dai mabyin byin ai gaw July 9 ya daram kaw na rai sai hte ya aten du hkra wan n lu shi ai re hpe chye lu ai.

" Wan n lu ai bat mi jan wa sai, lam kaw hpun daw ai nga tsun ai. Wan galoi she lu na kun, aten masat nna mung n lu mat sai, tsep kawp n lu ai masa re " nga nna Hpakant Ginra masha tsun ai.

Ya aten hpun daw taw ai shara hkan jasan jaseng ai lam ni galaw nga ai rai nna shara n kau hkan gaw Aten masat nna lang nga ai hte n kau shara hkan gaw tsep kawp n lu ai re lam chye lu ai.

Dai sha n-ga wan Jaw ai myi hprap wan ginjaw rung kaw nna gaw masha n-gun marai 25 daram hte July 13 ya kaw nna Mogawng Ginwang deng 8 lam braw hkan Jasan jaseng ai lam ni galaw nga ai lam ESE hpakant kaw na chye lu ai..

Ya aten dai ginra gaw KIA hte Myen Hpyen Dap lapran gasat gala majan laja nga ai ginra mung re.Dai zawn sha Putao ginra Nam Htum Hka myi hprap wan mung jak kaba kata de hka shang nna Putao Machyang Baw ginra hta myi hprap wan n lu ai bat masum daram rai wa sai lam chye lu ai.

Shiga. Hpring