Hpakant Ginra Hta Sinat Gap Sat Hkrum Ai Moi Mang 2 Mu Ai Lam

Pajau Media

November 6, 2025

Jinghpaw Mung Hpakant Yu Ma Mare hte Mashi Kahtawng Lawk kaw sinat gap sat da ai La 2 a Moi Mang hpe November 5 ya jahpawt daw hta mu ai lam Ginra masha ni tsun ai kaw na chye lu ai.

" Shana aten Sinat n sen na dat ai, Hpang Jahpawt rawt wa yang sinat gap ningma hte si taw ai moi mang mu ai" nga nna Ginra masha langai tsun ai re.

Asak si sum mat ai yan hpe kadai gara uhpung ni kaw na gap sat da ai re hpe tup hkrak n chye lu ai lam mung tsun ai re.

Sinat ningma hte asak si sum taw ai La 2 kaw na langai hpe Yu Ma Mare (ဆဲဗင်းမြူးစစ် )Seven Music lu sha seng makau kaw mu nna marai langai gaw Mashi Kahtawng Lawk Daw (D) kaw asak si sum taw ai hpe chye lu ai.

Jinghpaw Mung Hpakant, Myitkyina Muklum ni hta shana hkying 10 kaw na jahpawt hkying 4 du hkra shana pru hkawm lam n galaw na matu lahkawng maga kawn n dau da ai re hpe chye lu ai.

Ya aten Myen Hpyen Dap gaw Hpakant Ginra hpe bai htim gasat zing madu lu hkra hpyen hpung hku htu shadut htim gasat nga ai sha n-ga Nbungli bawm jahkrat bun ai lam matut manoi galaw nga ai re hpe mung chye lu ai.

Shiga - Hpring