Hpakant Ginra Kata U shan Manu Sen Lam Du Hkra Rawt Nga Ai Lam

Pajau Media

July 21, 2025

Ya aten gasat gala majan laja nga ai Jinghpaw Mung Hpakant ginra hta n dai laman malu masha gunrai manu ni, Shan manu ni ladu lai tsaw rawt wa ai re lam Hpakant ginra masha ni tsun ai re.

“ Gunrai jahkraw manu ni gaw grai tsaw ai lam n nga ai, Shan manu ni gaw grai rawt taw ai, U shan nga yang Sen mi jan taw sai, mari pyi n kam mari ai, U di nga yang pyi n lu sai, gunrai ni taw ai, N-gu manu nga yang Buk mi kaw sen lahkawng jan, N-gu manu rawt ai gaw na sai, July praw daram kaw nna rawt sai, U Shan gaw masum ya daram re sai manu rawt ai” nga nna tsun ai re.

Ya aten Hpakant Muklum hta N-gu Buk mi Sen 2 jan, U di hkum mi kaw 1,000 kaw nna 1,500 lapran nga nna U Shan Joi mi kaw Sen mi du hkra manu rawt nga ai re lam chye lu ai.

Dai sha n-ga Jak Sau 92 gaw 1 liter hta (8,800), 95 gaw (9,000) du ai rai nna Desel gaw (8,000) jan nga ai rai nna Ja manu gaw lap mi kaw Sen (79) du nga ai lam chye lu ai.

Hpakant ginra masha ni tsun ai hta Hpakant hkawm sa hkrun lam pat da ai majaw gunrai lu sha manu ni rawt ai re lam tsun ai re, Ya aten Nam Ya lam hpe bai hpaw ya ai raitim Gwi Hka lam naw pat da ai nga dingyang re lam chye lu ai.

Dai sha n-ga Hpakant ginra hta Myen hpyen dap hte KIA lapran gasat gala majan laja nga dingyang rai nna maga mi de mung n bungli bawm hte htim gasat ai majaw Mung masha hkra hkala hkrum ai lam dingyang byin nga ai re hpe mung chye lu ai.

Shiga- Htu Seng