Hpakant Ginra Laknak Kaba A Majaw Mung Masha Marai (4) Hkra Hkala Ai Lam

Pajau Media

October 7, 2025

Hpakant Lawng Hkang Nyeing Chan Tar Yar mare maga Nam Mapyit, Malang mare de Myen hpyen dap hpyen n gun htu shadut ai majaw KIA /PDF pawng hpawm hpung ni hte gasat gala majan byin nga nna Mung masha ni hpyen koi yen nga ai re lam chye lu ai.

Gasat gala majan laman Myen hpyen dap gaw Laknak kaba hkrup mara gap ai majaw Malan Mare Hkai Lung Kung kaw Laknak kaba wa hkrat nna Mung masha 2 hkra hkala ai lam chye lu ai.

Dai sha n-ga Mashi Kahtawng Lawk, Aung Yadanar Muk seng makau kaw mung Laknak kaba wa hkrat ai majaw Mung masha 2 mung bai hkra hkala ai lam chye lu ai.

Hpakant ginra kaw bat mi daram gaw masa zim nga nna သီတင်းကျွတ်လပြည့် jahpawt daw kaw nna shada da gap hkat wa ai re.

Hpyen n-gun 100 daram nga ai Myen hpyen dap hpung ni gaw Nyeing Chan Tar Yar mare hte Malang mare jarit စံတော်ဝင်ကုမ္ပဏီ wang kaw Dap jung nna Malang mare Hkai Lung Kung maga kaw nna Chyauk Sein Tawng maga de hpyen n-gun htu shadut nna gasat gala byin nga ai re.

Ya aten Malang Mare Hkai Lung Kung hte Chyauk Sein Tawng kaw na Mung masha ni Nyeing Chan Tar Yar mare hte Lawng Hkang maga de Hpyen koi yen nga ai lam chye lu ai.

Shiga- Kachin Pyi Tar