Hpakant Ginra Na Hpyen Dap Shara Masum Hpe KIA Gasat Zing Lu Ai Lam

Pajau Media

April 3, 2026

Hpakant ginra kata shara la dap jung nga ai Myen Hpyen Dap a dap shara masum hpe KIA pawng hpawm dap ni kawn gasat zing la lu ai hpe chye lu ai.

April praw 2 kaw na byin wa ai majan gaw Hpakant ginra Maw Wan Gyi mare Phone Tower makau dap dung nga ai myen hpyen dap shara, Nmai Yang mare lupwa kawng hta dap jung da ai hpyen dap shara hte N-tawng Naw kawng hta dap dung nga ai hpyen dap shara ni hpe KIA pawng hpawng hpung ni kawn gasat zing lu wa ai re.

Myen Hpyen Dap ni gaw dai dap shara 3 hpe tat kau hkrup ai hpang mani ting Hpakant ginra maga de nbungli, laknak kaba ni hte ja ja gap gasat wa ai re lam hpe mung chye lu ai.

Dai gasat zing da ai dap shara ni gaw lai wa sai 2025 ning htum hkan hta KIA pawng hpawm hpung ni tat kau ai shara hpe mani April praw 2 hta bai zing lu wa ai re.

Hpakant ginra hta shata mi jan majan zim nga nna April praw 2 ya shani hta majan bai byin wa nna lahkawng maga na gap gasat ai majaw Maw Wan Gyi, Nma Yang hte laga shara hkan hta laknak kaba wa hkrat kapaw wa ai majaw asak nhpring shi ai ma marai 2 mung lawm nna marai 6 hkala ai hpe chye lu ai.

Shiga-Htu Seng

Video - Crd