Hpakant Ginra Ra Lata Poi Galaw Nga Ai Aten Gap Hkat Wa Ai Majaw Ra Lata Poi Sindan Pa Bang Ai Masha Grai Yawm Ai Lam

Pajau Media

26 January 2026

Jinghpaw mung Hpakant ginra hta ra lata poi galaw nga ai aten Lahkawng maga gasat gala byin ai majaw ra lata poi sindan pa wa bang ai masha grai yawm ai lam chye lu ai.

Myen hpyen dap gaw ra lata poi aten ladaw laman Hpakant ginra kata shimlam grai shagreng da ai raitim Myen Hpyen Dap gaw n bungli, drone hte laknak kaba ni wa gap gasat ai lam ni nga ai majaw shimlam lam n nga ai re hpe chye lu ai.

Myen Hpyen Dap gaw January 24 ya kaw nna Hpakant ginra Byuha Kawng kaw nna laknak kaba matut manoi gap bun majaw mung masha n kau hkra hkala hkrum ai lam nga ai re hpe mung chye lu ai.

Ra lata poi Daw 3 hta Myen Hpyen Dap gaw N mawk, Manje, Hpakant, Manmaw hte Shwegu ginra 5 kaw galaw na matu hkyen da ai raitim N mawk hte Manje ginra ni kaw ra lata poi n lu galaw ai lam n dau wa ai re. Ngam ai ginra hkan ra lata poi galaw la lu sai re hpe mung chye lu ai.

Shiga – Hpring