Indaw Gyi Ginra Kaw Na Yen Kau Da Ai Dum Nta Hkan Arung Arai Mya La Hkrum Ai Lam

Pajau Media

January 26.2026

Gasat gala majan a majaw hpyen koi yen hkawm nga ai Indawgyi ginra He Pa mare kaw nna mung masha ni a dum nta hkan na manu dan ai arung arai ni hpe Sam Hkyeng P.T.Ts hpung ni mya la ai lam ni galaw nga ai re hpe chye lu ai.

Dai mare kahtawng kaw na mung masha ni gaw gasat gala a majaw hprawng koi yen nga ai aten SNA P.T.Ts hpung ni gaw mung masha ni a arung arai ni hpe kam ai hku mya la nga ai lam chye lu ai.

Dai zawn sha Hugawng ginra kata hta nga ai Wai Law, Lapu HKa hte Pya Soi ginra ni hkan SNA hte Min Zay Thant P.T.Ts pawng hpawm hpung ni mung masha ni a arung arai ni kam ai la kau ya ai re hpe mung chye lu ai.

Sam Hkyeng P.T.Ts hte Min Zay Thant P.T.Ts pawng hpawm hpung ni gaw hpyen hpung hku shamu shamawt du hkawm ai mare ni hkan mung masha ni a manu dan ai arung arai ni hpe kam ai hku mya la kau ya ai zawn mung masha dum nta ni hpe wan nat jahten ai lam ni galaw nga ai re hpe mung chye lu ai.

Shiga – Htu Seng