Hpakant hte Waimaw Ginra De Laknak Kaba Gap Ai Lam Dingyang Galaw Nga Ai Lam

Pajau Media

23 July, 2025

Jinghpaw Mung Hpakant Waimaw ginra de Myen hpyen dap gaw lak nak kaba shani shagu gap shadam nga ai re hpe mung chye lu ai.

July 22 ya shana daw hkying 3:14 aten daram hta Hpakant muklum kata shamu shamawt nga ai Myen hpyen dap hpung ni gaw lak nak kaba gap shadam ai majaw Seng Tawng kyu hpyi bum makau kaw wa hkrat kapaw ai lam chye lu ai.

 July 21 ya shana hkying 11 aten daram hta mung myityina M.P.Hk kaw nna Waimaw maga de lak nak kaba (6) lang hkawt gap ai re hpe mung chye lu ai. Myen hpyen dap gaw Hpakant ginra kata laknak kaba hte gap shadam taw ai sha n-ga shani shagu n bungli bawm wa gap jahkrat ai lam nga ai re hpe mung chye lu ai.

Wai maw ginra de mung Myen hpyen dap dingyang shamu shamawt nga ai majaw gasat gala majan jahkring hkring byin nga ai re hte n bungli bawm wa jahkrat bun ai lam ni mung dingyang galaw nga ai re hpe mung chye lu ai.

Shiga- Htu Seng