Hpakant, Ka-Mai, Mogaung Hkawm Sa Hkrun Lam Hpe KIA Naw Pat Da Ai Lam

Pajau Media

June 12. 2025

Jinghpaw Mung Hpakant Ka-Mai, Mogaung hku nna hkrun lam hkawm nga ai Mung masha ni ya aten n mai hkawm shi ai lam KIA kawn sadi jaw ai lam nga ai raitim Myen hpyen dap maga na gaw Mawdaw ni hpe hkawm sa ahkang jaw nna san jep ai lam galaw nga ai lam KIA hte ni nawn ai ni kawn tsun ai kaw na chye lu ai.

“ Mawdaw la ni hpe mung Myen hpyen dap maga na mai hkawm sai nga ai hte lung wa ma ai, aw ra maga na ni gaw mawdaw la ni hpe hpyen ninggang shatai nga ai re mung n chye, ginra mung masha ni hpe mung ya aten na hpyen masa grai naw shaja ai majaw n hkawm na matu tsun da ai re, raitim jahkring hkring hpyen ninggang hku tai taw ai hpe n chye na n hkrit ntsang hkawm nga ma ai” nga nna tsun ai.

Lai wa sai May shata 29 ya kaw nna Myen hpyen n-gun kaba hte Mogaung Ka-mai hku nna Hpakant de lung wa ai ai majaw Hpakant hkawm sa hkrun lam hpe pat da ai re. Dai ten kaw nna hpyen n-gun matut manoi htu shadut nna gasat gala majan jahkring hkring byin ai majaw hkrun lam hpe aten n masat gan pat da ai re lam chye lu ai.

Myen hpye dap gaw Hpakant lam hku Mung masha ni hpe hkawm sa hkang jaw nna hpyen n-gun htu shadut dingyang re. Ya aten Hpakant ginra hta lahkawng maga hpyen masa shaja hkat nga ai majaw hkawm sa hkrun lam hpe shimlam masa hta hkan nna naw pat da ai re hpe mung chye lu ai.

Ya aten Hpakant ginra Lawng hkang Mawsi Zar makau grup yin hta dai ni aten du hkra laknak kaji kaba n sen ni matut manoi na nga dingyang re lam ginra masha ni tsun ai kaw na chye lu ai.

Shiga- ND