Hpakant-Kamai-Namya Lam Tara Shang Nhpaw Shi Ai Rai Tim Mawdaw Kaji Kaba Hkawm Sa Nga Ai Lam

Pajau Media

May 15, 2026

Jinghpaw Mung Hpakant-Kamai-Namya sa lam hpe KIA maga na tara shang bai nhpaw ya shi ai rai tim mawdaw kaji kaba hkawm sa taw nga ai hpe Hpakant ginra masha ni tsun ai kawn chye lu ai

Hpakant-Kamai-Namya lam hpe gaw hpyen masa a majaw shanglawt asuya KIA kawn lai wa sai April 22 ya shani hta hkawm sa ahkang hpe nhtoi masat lam nnga ai sha pat tawn da ai re.

Raitim dai lam hpe gaw Myen Hpyne Dap uphkang da ai rai nna hpyen dap kawn ahkang jaw ai majaw lai wa sai May 12 ya shani kaw na mawdaw kaji kaba ni hte ginra masha ni hkawm sa nga ai lam chye lu ai.

Maga mi hta mung myen hpyen dap gaw dai Hpakant-Namya lam hku hpyen n-gun law law hte hpyen htu shadut wa ai majaw Hpakant ginra hta lahkawng maga majan shani shagu byin nga ding yang re hpe chye lu ai.

Shiga-Hpring