Hpakant Lam Ntsa Gasat Gala Majan Laja Nga Dingyang Rai Nga

Pajau Media

May 9, 2025

KIA Masat (9) Dap Ba ginra Hpakant ginra hkawm sa lam ntsa Myen hpyen dap hte KIA pawnghpawm hpung ni lapran gasat gala majan matut manoi naw laja nga ai re hpe chye lu ai.

May ( ya du hkra Myitkyina Hpakant mawdaw lam ntsa Seng Hpara hte Kap Maw Zup mare lapran kaw gasat gala majan laja ai re hpe chye lu ai. May (7) ya kaw nna Kap Maw Zup maga de Myen hpyen dap hpyen hpung hku shamu shamawt wa ai aten KIA kawn hkap shingla gasat ai majaw gasat gala majan laja nga ai re hpe mung chye lu ai.

Shana daw hta gaw Seng Hpara mare de Myen hpyen dap hpyen hpung ni du shang wa nna dap jung nga dingyang re. Myen hpyen dap gaw gasat gala majan hta nbungli hte laja lana gap bun ai majaw ya aten hpyen koi yen nga ai Seng Hpara mung masha ni a dum nta ni law law wan hkru hten za hkrum nga ai re hpe mung matut chye lu ai.

Ya aten du hkra Hpakant lam ntsa gasat gala majan gaw laja nga dingyang re hte Myen hpyen dap gaw hpyen n-gun, lak nak rung rai hpan hkum hkra hte laja lana htim gasat nga ai lam shawng lam shiga kaw na chye lu ai.

Shiga- Htu Seng