Hpakant Lam pat ai Da majaw Gunrai Htaw sha masha ni Sum machyi ai lam

Pajau Media

July 31, 2025

Gasat gala majan sawng nga ai Hpakant ginra pru shang lam ni hpe Myen hpyen dap kawn July 18 ya kaw nna pat da ai majaw gunrai htaw mawdaw chyat na ai hta namlaw nam lap, Shan, Nga ni yawng hten yat ai majaw Kabai kau ra ai lam chye lu ai.

Lam pat da ai aten ni na wa sai majaw dingren taw ai gunrai htaw mawdaw ni kaw lawm ai Shan, Nga, Nam lap nig aw yawng hten za mat ai lam Indaw Gyi ginra masha Langai tsun ai.

"N dai Hpakant In Daw Gyi lam mayan kaw gunrai mawdaw ni grai chyat taw ai, n kau n htang mai ai ni gaw n htang ma ai, madung pat da ai Lung Tung hte Nam Mun Gate kaw re. Hpakant de lung wa ai Gunrai Htaw mawdaw ni kaw Shan Nga ni lawm ai yawng hten yat ai" nga nna tsun ai re.

 Lung Tung gate hpaw ai shani ka-ang aten hkan Hpakant na yu wa ai mawdaw n kau lu lai tim lung wa ai mawdaw ni hpe tsep kawp n shalai ai majaw gunrai ni hten sum mat ai re lam chye lu ai.

Hpakant ginra de madung gunrai htaw shalai ai lam ni rai nga ai Hpakant Ka Mai Lam hte myo dingda maga na Hpakant Indaw Gyi lam ni hpe naw pat da ai re lam chye lu ai.

N dai masa lam ni a majaw Hpakant ginra gunrai manu ni gaw ladu lai tsaw rawt nga ai rai nna n kau gunrai ni gaw gumhpraw lu taw tim pyi mari sha yak taw ai masa re hpe mung chye lu ai.

Shiga -ND