Hpakant Lawnghkang Maga Majan Laja Nga Ding Yang Re Ai Lam

Pajau Media

May 11, 2026

Hpakant Sengtawng maga hpyen htu shadut na matu lung wa ai hpyen dap hpyen la ni hpe Lawnghkang mare hta KIA pawng hpawm hpung kawn ninghkap gasat wa ai majaw lahkawng maga majan laja byin nga ai hpe chye lu ai.

Hpyen n-gun 300 jan nga ai hpyne dap hpyen hpung ni gaw Lawnghkang Maw Si Sa kaw na Hpara Kawng, Golf pa, Manam jarawp shara hkan dap dung da nna rawt malam hpung ni nga ai maga de gap gasat nga nna rawt malan hpung ni kawn mung ninghkap gasat nga ding yang re ai hpe chye lu ai.

Rawt malan hpung ni gaw drone ni hte ninghkap gasat nga nna, myen hpyne dap kaw na si hkala law ai zawn bawng masha mung 15 ram Lu rim la ai hpe chye lu ai.

Yavten Lawnghkang mare hta lahkawng maga na majan hte hpyen masa laja nga nna, shini shagu laknak kaba gap gasat ai ni nga taw ai majaw mung shawa hkra hkala si sum ai hte dum nta hten za lam wan nat hkrum ai lam mung nga ai re.

KIA pawng hpawm hpung gaw lai wa sai April shata laman tat hkrup da ai shara ni hpe bai lu la na matu shakut shaja nga nna Kamai-Namya lam hpe mung pat da ding yang re ai lam chye lu ai.

Shiga-Htu Seng