Hpakant Lawnghkang Mare Hta Lahkawng Maga Majan Laja Byin Nga Ai Lam

Pajau Media

May 4, 2026

Jinghpaw Mung Hpakant ginra Lawnghkang mare hta dai hpawt kaw na myen hpyen dap pawng hpawm hpung hte KIA pawng hpawm hpung a lapran lahkawng maga majan bai laja lana byin nga ai hpe chye lu ai.

Dai ni May shata praw 4 ya jahpawt hkying 5 minute 20 aten kaw na hpang nna Lawnghkang mare Golf pa, lupwa shara hte Maw Si Sa makau hkan majan byin ai hpang mare kata sinat nsen, laknak kaba kapaw ai nsen ni matut manoi na lu taw ai hpe ginra masha ni tsun ai re.

Ya na zawn majan laja byin taw nga ai Hpakant ginra hta nbungli hpyen hpe mung sadi da nna hkawm sa na matu rawt malam hpung ni kawn sadi jaw da ai lam nga ai re.

Hpakant ginra hta lai wa sai April praw 2 kaw na hpang lahkawng maga majan bai laja byin wa nna, hpyen dap kawn hpyen n-gun law law hte htu shadut gasat nga ai sha n-ga nbungli bawm, drone, laknak kaba ni hte mung shani shagu gasat nga ai hpe chye lu ai.

Shiga-Hpring