Hpakant Ledo Lam Lapran Na Hpyen Yen Hkying Mi Daram A Matu Karum Ningtum Ra Ahkyak Nga

Pajau Media

3 December 2025

Majan tsinyam a majaw Namti hta hprawng hkoi yen nga ai hpyen yen hkying mi daram a matu nga shara hte lu sha hkyak hkyak ra kadawn nga ai lam chye lu ai.

Majan a majaw Hpakant Ledo lam lapran na mare ni Namti de hprawng koi yen nga ra ai rai nna, nshung ta shang wa sai majaw nba 3hpun, lum ai bu hpun palawng ni hte malu masha ni hkyak hkyak ra kadawn nga ai hpe chye lu ai.

Hpyen yen kata matchyi masha ni hpe mung seng ang ai hpung ni kawn yawng hpe nlu garum ai sha matchyi shawng ai ni hpe sha lu garum ai majaw tsi mawan ni mung ra kadawn nga ai re.

Hpyen koi yen ai aten na wa sai majaw plastic ni hte sha galaw da ai ginsum ni mung tsam was sai majaw nga shara a matu mung arung arai ni ra kadawn nga ai lam chye lu ai.

Namti hta koi yen nga ai hpyen yen ni gaw Namya, Dun Bum, Lawa, Lagawng, Kumtsai Yang mare ni kaw na hpyen yen hkying mi daram rai nna, lai wa sai April shata kawn hpyen koi yen nga ai re.

Shiga: Zaw