Hpakant Malang Mare Kaw Y-12 NBung Li Bawm Wa Jahkrat Ai Lam

Pajau Media

October 10, 2025

Hpakant Malang mare kaw October 10 ya jahpawt daw hkying 8 aten daram hta Myen hpyen dap Y-12 Nbungli hte bawm wa jahkrat ai re lam chye lu ai.

Malang mare gaw Lawng Hkang, Hpakant Muklum lapran kaw nga ai rai nna dai shara kaw Rawt Malan hpung ni hte Myen hpyen dap pawng hpawm dap ni gasat gala byin ai bat mi daram na sai re hpe mung chye lu ai.

“ Re ai, dai hpawt daw wa jahkrat kau da ai re, Jet fighter gaw nre, N sen grai ngoi hkra na ai, na na pyen gawai taw ai Lawng Hkang kaw mung, masha hkala nga n nga gaw nlu tsun ai, kadai mung dai shara de n gwi sa ma ai” nga nna Hpakant ginra masha tsun ai re.

Y-12 Nbungli wa gap ai rai nna hkrun lam yak hkak ai masa naw re majaw masha hkra hkala masa hpe n chye lu ai lam, Malang Mare gaw Myen hpyen dap October 9 ya shani ka-ang daram hta mung kalang Nbungli bawm wa jahkrat ai re hpe chye lu ai.

Ndai laman Hpakant ginra hta Hpyen masa grai laja nga ai sha n-ga Hpyen lahkawn ai majaw ginra masha ni hkawm sa hkawm wa a matu grai yak hkak nga ma ai zawn amyu shayi ni hpe seng kata de du hkra shang nna shang lahkawn nga ai majaw Seng n kau pat da ra ai re lam chye lu ai.

Shiga- Zaw