Hpakant Maw Wan Lawk Kaw Na Ja Seng Damya Mya Hkrum Ai Lam

Pajau Media

10th September, 2025

Jinghpaw Mung Hpakant Muklum kata ya aten hta hpyen masa mung grai shaja hkat nga ai rai nna maga mi de damya, arai gashun manghkang ni mung jahkring hkring hkrum sha nga ai lam chye lu ai.

September 9 ya shani ka-ang hkying 1 aten daram hta mung Hpakant muklum Maw Wan Lawk kaw nga ai Ja Seng langai kaw la marai lahkawng sinat madi nna damya mya ai lam byin ai re.

Myi chyaw mu Mung masha langai tsun ai hta “ Anhte gaw n dai hkran maga de nga taw ai, shani chying tung lam kaba makau na Ja seng kaw damya shang mya ai, damya nga nsen na ai hte yawng lagat nna sa wa tim damya yan gaw sinat hte re majaw kadai ma n gwi shani ai, counter pat mung adup ga kau nna Ja ni mya la mat ai ” nga nna tsun ai re.

Damya yan gaw sinat kadun sha n-ga sinat galu mung langai hpra lang da nna Ja seng hpe shang mya ai re lam, Ja arai ni mya la mat ai hpang cycle hte kalang ta hprawng mat ai re lam chye lu ai.

N dai laman Myitkyina Muklum hta mung damya manghkang ni matut manoi byin nga ai re hte hkawm sa hkawm wa lam ni hta grai sadi maja let hkawm sa ra ai re hpe mung chye lu ai.

Shiga - ND