Hpakant Mawsi Zar Lam Ntsa Kaw La Marai (2) Gap Sat Hkrum Ai Lam

Pajau Media

August 22, 2025

Jinghpaw Mung Hpakant girna Mawsi Zar mare lam ntsa kaw August 22 ya jahpawt hkying 10 aten daram hta Mung masha marai (2) gap sat hkrum ai lam chye lu ai.

Gap sat hkrum ai La langai gaw asak (45) ning re ai Ko Chit Naing rai nna Maw Si Zar mare lam ntsa kaw nga ai Seing Cho ကွမ်းယာ seng makau kaw gap sat hkrum ai re. Marai langai gaw mying n chye lu ai hte Mawsi Zar mare ka-ang lam braw makau lam ntsa kaw gap sat hkrum ai re lam chye lu ai.

Hpakant ginra gaw lai wa sai ten na zawn pyaw pyaw n mai nga mat sai hte ginra masha ni gaw shani shagu asak shim lam hpe myit tsang nna nga ra ai lam Hpakant ginra kata na amyu shayi langai tsun ai re.

“ Nta kaw nga tim lak nak kaba hpe hkrit ra ai, nbungli hte wa gap na hpe hkrit ra ai, galoi ma myit tsang ra taw ai, nta na wa hpe mung nta ting na lu sha na matu sha Lung Seng tam sa shangun ai re, ya na zawn gap sat hkrum ai shiga ni na yang dai hku byin na hpe grai tsang ai ” nga nna tsun ai re.

Dai sha n-ga dai ni lani mi hta sha Myen hpyen dap maga kawn gap dat ai lak nak kaba mung Mashi Kahtawng Gat makau kaw wa hkrat kapaw ai lam matut chye lu ai.

Shiga – ND