Hpakant Muklum Kata Asuya Jawng N Kau Hpe Gan Pat Da Ai Lam

Pajau Media

September 2, 2025

Hpyen masa shaja hkat nga ai Jinghpaw Mung Hpakant ginra kata na Myen asuya jawng ni yawng hpe September praw 2 kaw nna gan pat na lam hpyen dap asuya n dau wa ai re hpe chye lu ai.

"Jawng sa sa ai Kanu Kawa ni hpe Ma ni hpe bai shaga woi wa na matu tsun ai, Jawng hpe bat mi pat na re da, hpyen masa hta hkan nna she jawng bai hpaw na re da" nga nna jawngma Kanu Kawa langai tsun ai.

Ginra masha ni tsun ai hta jawng lung nga ai Jawngma ni kaw Hpakant Pyuha Kawng hte Balik dap kaw na Myen hpyen dap n ta masha Ma ni lawm ai lam, Asuya Jawng ni hpe du na Praw 8 ya daram hkan bai hpaw na re lam chye lu ai.

Ya aten Hpakant Muklum kata lahkawng maga hpyen masa grai shaja hkat nga ai masa re hte gasat gala byin ai lam nga nna Hpakant Muklum shinggan hkan na Mare kahtawng hkan gaw majan sawng ai shata hku na wa sai re.

Asuya Jawng ni hpe gan pat da ra ai masa hpe tup hkrak n lu tsun tim ya byin nga ai hpyen masa a majaw mai byin ai lam, jawng ni hpe pat ai hpang hpyen masa gara hku bai htu shadut wa na ngu ai hpe ginra masha ni myit tsang nga ma ai re.

Dai sha n-ga n dai laman Mashi Kahtawng ginra masha ni hpe gan yen na matu tsun sadi jaw ai lam ni nga wa ai re hpe mung chye lu ai.

Shiga - Kachin Pyi Tar