Hpakant-Namya-Ka Mai Sa Lam Hpe KIA Kawn Nhtoi masat Nnga Ai Sha Pat Na Lam

Pajau Media

21 April 2026.

Hpyen masa a majaw Hpakant-Namya-Ka Mai sa lam hkawm sa ahkang hpe nhtoi nmasat ai sha pat na re hpe KIA shanglawt dap, dap ba (9) kawn dai ni ndau dat ai.

April praw 22 ya kaw na Hpakant-Namya-Ka Mai sa lam hpe nhtoi nmasat ai sha pat na re hpe chye lu ai.

Ndai laman Hpakant maga hpyen masa nau nkaja na aten ntam majan laja wa chye majaw pat ai re nga nna hpe hpyen masa shiga maram ai ni kawn chye lu ai.

Ya ten Hpakant ginra hta Myen Hpyen Dap hte Wara Zup P.T.Ts pawng hpawm hpung ni hte KIA pawng hpawm hpung a lapran hpyen masa laja nga nna, hpyen dap gaw ga lam hku hpyen htu shadut nga ai sha n-ga nbungli, drone hte laknak kaba ni hte matut na gasat nga ai.

Ya na zawn myen hpyen dap gaw hpyen n-gun law law hte hpyen htu shadut wa nna, Hpakant ginra hta aten ntam lahkawng maga majan laja wa chye ai majaw mung shawa ni hkawm sa sadi nga na hpe rawt malam hpung ni kawn sadi jaw da ai.

Shiga-Hpring