Hpakant San Chyoi hte San Chyai Hpyen Yen Mung Masha Ni Buga De Bai Wa Ai Lam

Pajau Media

12 August, 2025

Hpakant Mashi Kahtawng mare kaw wa koi yen nga ai San Chyoi hte San Chyai Hpyen Yen Mung masha hting gaw 50 daram gaw Buga de bai wa nga sai lam chye lu ai.

Hpyen masa loi zim sai re majaw August 11ya hkying 11 aten daram hta Buga de n htang wa sai re lam hpyen yen Mung masha langai tsun ai.

" N dai kaw gaw August praw kaw nna du ai re, jau tau na yen ai masa re, masa gaw zim taw sai re majaw nau gaw myit n tsang ra na re ngu na tinang n ta de bai wa sai re, htinggaw 50 daram gaw wa na hku re sai" nga nna tsun ai.

Raitim Mung masha n kau shanu nga ai San Chyoi ginra sha n ga Maw Tawng, Sharaw Hka,Kala Maw, Maw Wan Gyi, Maw Wan Lay, Ah Maik Pone ginra hkan grai naw sadi maja ra ai re.

Marang htu yang Y12 nbungli wa gap ai, marang zim yang Jet n bungli hte wa gap ai re lam chye lu ai.

Hpakant Ginra hta Laknak Kaba gap bang ai majaw masha asak si sum ai lam jahkring hkring byin nga ai re hte ya aten du hkra lahkawng maga hpyen masa shaja hkat nga dingyang rai nna Jak sau gunrai manu ni tsaw rawt ai mayak hkrum katut nga dingyang re.

Shiga -Htingnai