Hpakant Sharaw Hka Mare Rawang Rung Kaw Lak Nak Kaba Hkrat Kapaw Ai Majaw Marai 2 Hkala Sawng Ai Lam

Pajau Media

August 14, 2025

Jinghpaw Mung Hpakant ginra Sharaw Hka mare Rawang kung kaw August 14 ya shani ka-ang hkying 12:20 a ten daram hta Drone bawm wa jahkrat kapaw ai lam nga ai re hpe mung chye lu ai.

“ Myen hpyen dap gaw Mung masha ni nga ai de masing nga nga Drone bawm wa jahkrat ai re, Mung masha marai (5) daram hkala mat ai” nga nna myi chyaw mu Mung masha langai tsun ai re.

Drone bawm wa hkrat ai majaw hkra hkala ai ni gaw Asak (16) ning re ai Mg Htan Shan Khai, Asak (52) ning re ai U Win Naing, Asak (56) ning re ai U Ye Naing, asak (57) ning re ai U Htoo Kyaw hte Asak (50) ning re ai U Tin Tun ni rai nna N shang, Labawp, Lagaw hte hkum hkrang hkan hkala ningma lu ai lam chye lu ai.

Dai kaw nna marai 2 gaw hkala ningma sawng ai re lam chye lu ai. Hpakant ginra kata ya na zawn myen hpyen dap a lak nak kaba nbungli bawm, drone bawm ni hte gap shadam ai majaw Mung masha hkra hkala ai asak si sum ai lam byin law nga ai re hpe mung chye lu ai.

Shiga- ND