Hpakant Yu Ma Mare makau Kaw Sinat Gap Manghkang Byin ai Majaw Masha Asak Si Sum ai lam

Pajau Media

July 15, 2025

Hpakant Yu Ma Mare num shang Shwe Myanmar Sau seng makau kaw Sinat gap manghkang byin nna masha marai 2 asak si sum ai lam Yu Ma mare masha tsun ai kaw na chye lu ai.

Mabyin gaw July 12 ya shana Hkying 7 grup yin hta byin ai rai nna asak si sum mat ai marai langai gaw Hpakant ginra lung seng dut mari hpaga galaw ai masha mai byin ai re lam Myi Chyaw mu ginra masha tsun ai.

"Asak si sum ai wa gaw Mawdaw mung Madang tsaw ai hpan Jawn ai, gumhpraw sumbu kaw gumhpraw grai law rawng ai, ya na aten masa hta shana n pru hkawm ai gaw kaja dik re, byin wa yang kadai mung lit n la ai" nga nna tsun ai.

Asak si sum ai wa gaw Salang Brang Mun ngu ai wa rai nna Hpakant Muklum hte Facebook ganghkau group hkan mung dum n ta masha ni chye lu na matu sagawn n dau ai lam ni galaw ai re hpe mung chye lu ai.

Dai sha n -ga Yu Ma Shwe Myanmar sau seng makau lam hku lai wa lai sa galaw ai Mung masha Langai mung lam n tsa kaw shagum nna asak si sum taw ai re hpe mung chye lu ai.

July 12 ya shana byin ai manghkang hpe ginra masha n kau tsun ai gaw Myen Hpyen Dap hte KIA, KPDF pawng hpawm hpung ni hte Myen Hpyen dap lapran byin ai gasat gala majan hta chyat mat ai laman sinat hkra nna asak si sum ai re lam mung tang madun da ai.

Shiga ..ND