Hpare Mare Makau Kaw Ga Sau Htu Shaw Ai Shara Gyi Ru Nna Mare Ting Lawm Mat Ai Shiga N teng Ai Lam

Pajau Media

December 24.2025

KIO uphkang ginra rai nga Hpare mare makau kaw Ga Sau htu shaw ai bungli dabang gyi ru wa ai majaw bungli shara makau gat seng dut sha nga ai num kasha langai asak si sum mat ai lam chye lu ai.

December 18 ya jahpawt daw hkying 5 aten hta ga gyi ai lam byin wa ai rai nna bungli dabang kaw na bungli galaw masha ni hte gat dut ai masha ni gaw aten dep hprawng yen ai raitim amyu shayi langai gaw ga gyi ai kaw lawm mat ai lam chye lu ai.

Dai gyi ru wa ai shiga hte seng nna Myen Hpyen Dap n pu na shiga dap ni hkan gaw mare ting ga gyi ai kaw lawm mat ai lam shiga shapoi nga ma ai re hte dai shiga n teng n man ai lam chye lu ai.

Ga gyi ai mabyin gaw Hapre Mare hte loi tsan ai shara kaw rai nna gat dut sha nga ai gat seng 3 mung ga gyi ai kaw lawm mat ai lam chye lu ai.

Shiga: Htu Seng